02 Sep 🙏 હે આદિનાથ ! દેહ મમત્વ આહારસંજ્ઞામાં કારણ છે. મને દેહ વૈરાગ્ય આપો.🙏

આચાર્ય અજિતશેખરસૂરિ તથા આચાર્ય વિમલબોધિસૂરિ તરફથી ધર્મલાભ ! ⭐

✍️ તા. ૦૨/૦૯/૨૦૨૦

🙏 હે આદિનાથ ! દેહ મમત્વ આહારસંજ્ઞામાં કારણ છે. મને દેહ વૈરાગ્ય આપો.🙏

👉 ગુરુદેવ :- વરાહમિહીરે રાજાને ભડકાવવા કહ્યું-પુત્ર જન્મની ખુશીની વધામણી આપવા બીજા તાપસ-સંન્યાસીઓ પણ આવ્યા. તો જૈનાચાર્યને આવતાં શું જોર પડતું હતું ? તેઓ આત્માભિમાની છે ને લોક વ્યવહારથી વિમુખ છે. રાજાન અવગ્રહમાં રહે છે. છતાં આ ભૂમિકા ? રાજાએ પૂછાવ્યું તો પૂજ્ય ભદ્રબાહુ સ્વામીએ કહ્યું-અમે સાતમા દિવસે બિલાડીના નિમિત્તે રાજપુત્રનું મરણ થશે ત્યારે આશ્ર્વાસન આપવા આવીશું. રાજા આ આગાહીથી ચમક્યા. બધી બિલાડીઓને નગરમાંથી તગેડી મુકી. પુત્રને ભોંયરામાં રાખ્યો. લોકોમાં ચર્ચા ચાલી. એક કહે છે દીર્ઘાયુષી. બીજા કહે છે સાત દિવસ. બંને પાછા જ્યોતિષના ખાં ! કોણ સાચું પડશે ? સાતમા દિવસે દ્વાર નીચે રાજપુત્રને દાસી દૂધપાન કરાવતી હતી ત્યારે બિલાડીના મુખના આકાર વાલો આગલો એ બાળક પર પડ્યો ને બાળક મર્યો. સ્વામી આશ્ર્વાસન આપવા ગયા. ત્યારે રાજાએ પૂછ્યું-સાતમા દિવસે મોત બરાબર. પણ બિલાડી ? સ્વામીએ કહ્યું-આગલો મંગાવો. એ બિલાડીના આકારનો હશે. જૈન શાસન સ્થાપના સત્યને પણ સ્વીકારે છે. લોકોમાં પૂજ્યશ્રીનો અને જૈનશાસનનો જય જય કાર થયો. તેથી જ પૂજ્ય ભદ્રબાહુ સ્વામી નિમિત્તજ્ઞ તરીકે શાસન પ્રભાવક તરીકે વર્ણવાય છે. વરાહમિહીરનો લોકોમાં તિરસ્કાર થયો. તેથી એ જંગલમાં જતા રહ્યા. કદાચ પૂજ્ય ભદ્રબાહુસ્વામીએ શિષ્યોને હિતશિક્ષા ફરમાવતા કહ્યું હશે-જ્ઞાન કેટલું ભણો છો, એથી વધુ મહત્ત્વનું છે, કેટલા વિનયભાવથી જાણો છો. વિનીત જે ભણે છે, એમાં એ પૂર્ણ થાય છે. અવસરોચિત સ્ફુરણા પામે છે. કોઇ પણ ઘટનાનો મહત્ત્વનો અંશ એને તરત નજરમાં આવે છે. વરાહમિહીર જ્યોતિષમાં નિષ્ણાંત છે. પણ એણે વિનય કર્યો નથી. ઉદ્ધતાઇથી ભણ્યો. તેથી આગાહી કરતી વખતે અતિ મહત્ત્વના મુદ્દા પર જ ધ્યાન આપવાનું ચૂકી જાય છે. તેથી ખોટો પડે છે ને ભોંડો પડે છે. ************************

👉 ધન્યકુમાર ચરિત્ર :- ગુણસાર તો ભાવનામાં મહાલે છે, ગુરુદેવના શ્રેષ્ઠ દર્શનથી મારો જન્મ પાવન થયો. રસ્તામાં ચાલતા આ જ ભાવના વહી રહી છે, ગુરુદેવના પવિત્ર દર્શન થયા એથી મારો આ શુભોદય સૂચક દિવસ છે. એ ઘડી-મુહૂર્ત શ્રેષ્ઠ હતા જે વખતે સુપાત્ર દાનનો લાભ મળ્યો. મારી તો વગર બોલાવ્યે કામધેનુ આંગણે આવી ઊભી.