🙏 હે આદિનાથ ! સ્વજન પ્રેમ સ્વજન દ્વેષમાં કારણ બને છે. મને સ્વજન વૈરાગ્ય આપો. 🙏

31 Aug 🙏 હે આદિનાથ ! સ્વજન પ્રેમ સ્વજન દ્વેષમાં કારણ બને છે. મને સ્વજન વૈરાગ્ય આપો. 🙏

આચાર્ય અજિતશેખરસૂરિ તથા આચાર્ય વિમલબોધિસૂરિ તરફથી ધર્મલાભ ! ⭐

✍️ તા. ૩૧/૦૮/૨૦૨૦

🙏 હે આદિનાથ ! સ્વજન પ્રેમ સ્વજન દ્વેષમાં કારણ બને છે. મને સ્વજન વૈરાગ્ય આપો. 🙏

👉 ગુરુદેવ :- અમીત ! ઉત્તમ કાર્ય-ચીજ પણ જો મફતના ભાવમાં જનતાને ઉપલબ્ધ થાય, તો લગભગ એનો ભરપુર દુરુપયોગ જ થાય છે. આશીર્વાદને બદલે એ અભિશાપરૂપ બની જાય છે. ઇંટરનેટ અને મોબાઇલ ફોન અત્યારે નજર સામે દૃષ્ટાંત છે. ભૂતકાળમાં પણ એવું બનેલું બે બ્રાહ્મણ ભાઇએ સાથે જૈન દીક્ષા લીધી. (૧) ભદ્રબાહુ અને (૨) વરાહમિહીર. એમાં ભદ્રબાહુ પ્રતિભા સંપન્ન હતા, પ્રજ્ઞાવાન હતા, તો સાથે ભરપુર વિનયવાળા પણ હતા. જ્યારે વરાહમિહીર પણ હોંશિયાર હતા, પણ ઉદ્ધત હતા. ગુરુનો પણ અવિનય કરી બોલતા હતા. તેથી યોગ્ય અવસરે આચાર્ય ભગવંતે ભદ્રબાહુ મુનિને આચાર્ય પદ આપ્યું. તેથી પછી આચાર્ય શ્રી ભદ્રબાહુ સ્વામી તરીકે પ્રસિદ્ધ થયા. વરાહમિહીરને આચાર્યપદ મળ્યું નહીં. પૂર્વો વગેરે આગમ પણ એમને ભણાવાયા નહીં. આર્ય ભદ્રબાહુ સ્વામી ચૌદ પૂર્વધર થયા. વરાહમિહીરને ખોટું લાગ્યું. પાછા સંસારમાં આવ્યા. બ્રાહ્મણ થયા. જ્યોતિષ ભણેલા તેથી એથી નિર્વાહ કરવા માંડ્યા. લોકોમાં વાત પણ ફેલાવી-એક વખત શુભ યોગ હતો. મને ખાતરી હતી, અત્યારના ઉદિત સિંહ લગ્નની કુંડળી દોરીશ, તો અવશ્ય સિંહ આવશે. તેથી મેં જંગલમાં એક શિલા પર સિંહ લગ્નની કુંડળી દોરી. હું સ્નાનાદિ માટે આમ તેમ થયો ને ખરેખર કુંડળી પર સિંહને બેઠેલો જોયો. મારો વિશ્ર્વાસ ખાતરીમાં બદલાયો. એક પરંપરા અનુસાર મારો નિયમ કે કામ પત્યે કુંડળી ભૂંસી નાખવી. પણ એના પર તો સિંહ બેઠેલો. છતાં મેં હિંમત કરી સિંહની નીચે હાથ નાખી કુંડળી ભૂંસી નાખવાનો પ્રયત્ન કર્યો. ************************

👉 ધન્યકુમાર :- મુનિવર ગુણસારને ધર્મલાભ આપી ગયા. ગુણસાર આ સુપાત્રદાન અંગે વારંવાર આનંદિત-રોમાંચિત થવા માંડ્યા. વારંવાર મુનિરાજનું મુખ મંડલ નજર સામે આવે ને વિચારમાં, મારા જેવા પાપોદય પામેલા પર આ મુનિવરે કેવી અનહદ કૃપા કરી કે મને આવો સરસ લાભ આપ્યો. મને તો સંસાર સાગર તરવા મોટું જહાજ આપી દીધું. આમ ગુણસાર સુપાત્રદાનની ભરપુર અનુમોદના કરતા રહ્યા.