01 Sep 🙏 હે આદિનાથ ! શરીર રોગોનું ઘર છે. મને શરીર વૈરાગ્ય આપો. 🙏

આચાર્ય અજિતશેખરસૂરિ તથા આચાર્ય વિમલબોધિસૂરિ તરફથી ધર્મલાભ !

⭐✍️ તા. ૦૧/૦૯/૨૦૨૦

🙏 હે આદિનાથ ! શરીર રોગોનું ઘર છે. મને શરીર વૈરાગ્ય આપો. 🙏

👉 ગુરુદેવ :- વરાહમિહીર પોતાનો પ્રભાવ વિસ્તારવા મન ઘડંત પ્રસંગ લોકો આગળ વર્ણવતો કે સિંહ હોવા છતાં હિંમતથી મેં સિંહ કુંડલી ભૂંસવાનો પ્રયત્ન કર્યો તો સૂર્યદેવ મારા પર પ્રસન્ન થયા, તેઓ જ મારી પરીક્ષા કરવા સિંહનું રૂપ લઇ આવ્યા હતા. સિંહ રાશિનો માલિક સૂર્ય છે. એ સૂર્યે મને ઉપર લઇ જઇ સમસ્ત ગ્રહોનું ભ્રમણ સ્પષ્ટ બતાવ્યું. તેથી જ્યોતિષના વિષયમાં હું સ્પષ્ટ છું. મારા કથન સત્ય સિદ્ધ તાય છે, ને મારું આ જ્ઞાન સંપૂર્ણ છે. લોકો વિશ્ર્વાસમાં આવતા ગયા. એકવાર પૂજ્ય ભદ્રબાહુ સ્વામી નગરમાં હતા ત્યારે જ એક દિવસ વરાહમિહીરે રાજાને એક વર્તુળ બતાવી કહ્યું-આ વર્તુળમેં દોર્યું છે. આજે આ સમયે અહીં આકાશમાંથી બાવન પલ (વજન વિશેષ) નો માછલો પડશે. જોગ સંજોગથી આર્ય ભદ્રબાહુસ્વામી પણ ત્યાં હતાં. એમણે કહ્યું-માછલો મધ્યમાં નહીં, કિનારે પડશે ને તે પણ અડધા પલ ઓછા વજનનો. એમ જ થયું. રાજાએ વિસ્મિત થઇ કારણ પૂછ્યું-ગુરુદેવ ! વરાહમિહીરના કથમાં આટલો ફરક કેમ પડ્યો ? આચાર્ય ભગવંતે કહ્યું-એણે આકાશમાં રહેલા માછલાને ધ્યાનમાં લઇ આગાહી કરેલી. પણ પડતા પવનથી થોડો શોષવાઇ જાય ને ગતિ જરાક ત્રાંસી થાય એ ધ્યાનમાં લીધું નહીં. રાજા આચાર્ય ભગવંત પર પ્રસન્ન થયા. એ જ અરસામાં રાજપુત્રનો જન્મ થયો કે જે રાજા માટે મોટી ઘટના ગણાય. વરાહમિહીરે કુંડલી બનાવી કહ્યું-રાજ પુત્ર દીર્ઘાયુષી છે. પછી રાજાને કહ્યું-રાજકુમારનો જન્મ કોની ખુશી માટે ન થાય ? નગરના બધા જ મોટા માણસો-સંન્યાસીઓ આ નિમિત્તે આપને અભિનંદન આપવા આવી ગયા. આર્ય ભદ્રબાહુ સ્વામી પણ આ જ નગરમાં છે. ************************

👉 ધન્યકુમાર :- ગુણસારે મુનિને વળાવવા જતાં સ્તવના કરી-આપે સુપાત્રદાનનો લાભ આપ્યો… મારા માટે આ કલ્પતરુ, કામધેનુ, ચિંતામણિ કરતાં પણ અધિક છે. ગુણસારના ઉલ્લાસ-વિનયભાવથી પ્રસન્ન મુનિવરની આજ્ઞાથી ગુણસાર પોતાના સ્થાને પાછા આવ્યા. ભાથું ખતમ થવાથી ભૂખ તરસ ઘણી હતી.